Bizitza komunitarioa, identitatea eta hurrengo urratsak

1. Ongietorria eta saioaren helburuak

Talde eragile berriari ongietorria eman zaio eta Landaluze 27 prozesuaren barruan kokatu da saioa. Topaketaren helburuak azaltzen dira: bizitza komunitarioa bultzatzeko jarduerak lantzea, espazioaren identitatean/izenean aurrera egitea eta prozesuaren hurrengo urratsak partekatzea.

2. Bizitza komunitarioa sustatzeko jarduerak

Ekipamendua ireki aurretik aktibazio komunitarioari ekitea planteatu zen, auzotarren arteko lotura mantendu eta prozesua ikusgarri egingo duten ekintza errazekin.

• Lehen harremanak agente aktiboekin. Berehalako ekintza gisa, San Joan jaietako batzordearekin eta Gaztetxearekin harremanetan jartzea proposatu zuten, zer prestatzen ari diren jakiteko, haien beharrak entzuteko eta auzoarekin lankidetzan aritzeko modu posibleak aztertzeko.

• San Juan jaien inguruko presentzia. Festak gerturatzeko lehen une gisa aprobetxatzea baloratu zuten, ez hainbeste ekintza propio bat antolatzeko, baizik eta dagoeneko aktibo daudenekin konektatu eta Landaluze 27 prozesua ezagutarazteko.

• Auzo-bilera irekiak. Irailaren 9ko 18:00etatik aurrera bilera irekiak hastea adostu zuten. Ondoren, hileko bigarren asteazkenean mantenduko lirateke, jarraipen, informazio eta auzo-koordinazio gune gisa.

• Auzoaren memoria. Aurrerago Landaluzeko argazki zaharren bilduma bat lantzea proposatu zen, material nahikoa dagoenean argazki erakusketa bat antolatzeko aukerarekin.

• Barne-komunikazioa eta -antolaketa. Bilerak ondo deitu, auzoari WhatsApp bidez eta atarietan abisuak emanez informazioa eman, gai zerrenda prestatu, aktak jaso eta rolak txandaka banatu behar direla adierazi zuten.

• Udalarekiko harremana. Udalarekin kanal egonkor bat izatea proposatu zen, proiektuari buruzko informazioa jasotzeko, zalantzak azaltzeko eta, aurrerago, elkarteei, diru-laguntzei edo antolaketa-ereduei buruzko prestakuntza baloratzeko

3. Espazioaren identitatea eta izena

Izena erreferentzia natural batera bideratzea erabaki zen, Landaluze eta Laudioko landa-ingurunea lotzen dituelako. Kontsentsu handiena izan zuen izena Pagolar izan zen, balio paisajistikoa zuelako. Izendapen osoa zehazteke dago, etxea, aretoa, kultur etxea, elkargunea edo auzogunea bezalako terminoak txertatuz. Taldearen hurrengo bileretan berrikusi ahal izango da izena

4. Itxiera eta hurrengo urratsak

Talde bideratzaileak prozesuaren amaierako dokumentua egingo du, akten akta gisa, eta saioetan landutakoa jasoko du.

Informazio horrekin, Udalak proposamen bat prestatuko du gunerako eta balizko kudeaketa eredu baterako, teknikoki eta politikoki kontrastatu beharko dena.

Prozesuaren une haranerako plan bat ere aurkeztuko da, hau da, itxiera parte-hartzailearen eta ekipamenduaren etorkizuneko irekieraren arteko aldia.